विद्येचे दान
विद्येचे दान
देऊन दान विद्येचे
ओंजळ करूया रिती
शिक्षण सद्बुद्धिचे
पळवेल मनातील भिती..
पेरावा सदा सदाचार
ओंजळीतला तो मोती
घडेल एक एक जण
बंधुत्वाची होतील नाती..
ओंजळीतून हळुच सोडा
मानवतेची गच्च पोती
जगण्याचा कळेल अर्थ
माणुसकीची फळे येती..
बदल्याची नसे भावना
परोपकार इथे नांदती
कडाडून विषमतेवर
निषेध सर्व नोंदवती..
विशाल मनाचा माणूस
कळे दातृत्वाची महती
विश्वाच्या भल्यासाठी
जीवनाची देती आहुती...
ओंजळीत असावे मोती
समतेचे ते अमूल्य धन
विश्वाच्या शांतीसाठी
विशाल हो आपले मन..