विचार करू या आता तरी
विचार करू या आता तरी
महामारीची वाढते दरी चला काळजी घेऊ घरोघरी
विचार करू या आता तरी नाही बडा कोणी जीवा परी
एक विषाणू घातक झाला संपर्काने बाधित झाला
बदलून गेले जगणे अचानक रोग नवा जन्मास आला
जीवन बदलले कोरोनाने पोट आले हो हातावरी
विचार करू या आता तरी नाही बडा कोणी जीवापरी
भल्या भल्या ना जेरीस केले होते न्हवते बदलून गेले
काल भेटले आज दिसेनात असले कसले जिने आले
विना तिर अन् तलवारीचा घाव असा हा उरावरी
विचार करू या आता तरी नाही बडा कोणी जीवापरी
नियम पाळू या स्वस्थ राहूया गर्दी टाळू मिळून चला
स्वच्छ राहू या मास्क घालूया पळवून लावू रोग भला
वर्ष संपले तोंड झाकुनी नको चुका घ्या मनावरी
विचार करू या आता तरी नाही बडा कोणी जीवापरी
लस मनाला इच्छाशक्तीची प्रेरणा ही जगण्याची
हिंम्मत देऊन मात करू या शक्ती मिळेल लढण्याची
हरवून देऊ महामारीला विजय मिळवू कोरोनावरी
विचार करू या आता तरी नाही बडा कोणी जीवापरी