Library
Profile
शीर्षक :- अत्तराप्रमाणे जिंदगी
शीर्षक :- अत्तराप्रमाणे जिंदगी
1 min
220
अत्तरा प्रमाणे जिंदगी ही
सुवासिक होऊन जावी
चंदनाप्रमाणे झिजावी
अन आठवणीत राहावी
फुलाप्रमाणे अर्पून जावं
शुभ कार्यांत निस्वार्थीपणे
सुगंधाने दरवळतील
सदा परोपकारी मने
प्रफुल्लित करू सर्वांना
देऊन प्रेमाचा गंध
मन विचार जुळतील
जुळतील रेशीम बंध
काट्यातही हसायला
गुलाबाकडून शिकावं
स्वार्थ अभिमान सोडून
भल्यासाठी झुकावं
सुख दुःख येत जातात
बदलतात जीवनाचे रंग
प्रेम विश्वासाच्या अत्तराने
पसरतो नात्यात सुगंध
