बाबा- घराचा आधार

आईचे सौभाग्य खुला प्रेमाचा भांडार 

बाबा म्हणजे असतो घराचा आधार

सुखाच्या शोधात कष्ट तो झेलतो

घराचा तो भार त्याच्या डोईवर पेलतो

त्याच्या मेहनतीवर चाले मायेचा संसार

बाबा म्हणजे असतो घराचा आधार

आईचा तो हात घराचा तो छत

त्याच्यात सामावे माझं सार गणगोत

आनंदी ठेवतो तो सार घरदार

बाबा म्हणजे असतो घराचा आधार

धीर तोच देतो सुखदुःखाच्या वेळी

नात्याच्या बागेचा तो आहे कुशल माळी

त्याच्या नावावर चाले सारा कारभार

बाबा म्हणजे असतो घराचा आधार

बाबा हरवलं सारं कोसळते घर

बापाच्या कष्टाची कुणा येत नाही सर

सांभाळा दैवत आहे जीवनाचा सार

बाबा म्हणजे असतो घराचा आधार