लाइब्रेरी
प्रोफाइल
शीर्षक :- आयुष्याची कविता
शीर्षक :- आयुष्याची कविता
धर्म मानतो कुणी मानतो
कुराण बायबल गीता
चला गड्यानो तुम्हा शिकवतो
आयुष्याची कविता
संस्कृतीचा विसर पडला
प्रगती वाचून समाज घडला
विकास कोणाचा कुठे रखडला
जपता का अस्मिता
चला गड्यांनो तुम्हाला शिकवतो
आयुष्याची कविता
जात जातीला रोजच भिडते
दंगल हिंसा रोजच घडते
मर्दानी या छाव्यांना
कसे कोणी सावरता
चला गड्यानो तुम्हा शिकवतो
आयुष्याची कविता
सामान्याची मने कळेना
शेतकऱ्यांना न्याय मिळेना
सत्तेच्या मंदिरी तरीही
फुल पडे न चुकता
चला गड्यानो तुम्हा शिकवतो
आयुष्याची कविता
अबला रस्त्यावरती आल्या
शब्द असुनी मुक्या झाल्या
पशु समान त्या नराधमाना
का दरबारी जगविता
चला गड्यांनो तुम्हाला शिकवतो
आयुष्याची कविता
स्वार्थाने माणुसकी मेली
ईमानदारी ही विकली गेली
देशभक्ती च्या नावाखाली
समाज का रे लुटता
चला गड्यांनो तुम्हाला शिकवतो
आयुष्याची कविता
धर्मपंडित कित्येक आले,
कायद्याने समान केले,
झोपेत होते जागे झाले,
ढोंगी का उठविता,
चला गड्यांनो तुम्हा शिकवतो
आयुष्याची कविता.
