वृक्ष संवर्धन
वृक्ष संवर्धन
स्वार्थासाठी जगणारा
माणूस पुन्हा चुकला
सृष्टीचक्र बदलले
अन् निसर्गही कोपला
दुष्काळ झाला पाण्याचा
दुष्काळ हिरव्या रानाचा
माणुसकीचा दुष्काळ अन्
बळी मुक्या प्राण्यांचा
अरे पुरे आता वृक्षतोड
उजाडले सारे गावं
संधारण तू घे हाती
एक तरी झाड लाव
संवर्धन होईल मृदेचे
होईल सुजलाम सुफलाम भूमी
वृक्ष जगतील रान फुलतील
तुझी माणुसकी येईल कामी
संवर्धन करू माणुसकीचे
अन् जपणूक निसर्गाची
होईल दुष्काळमुक्त भारत
अन् जगतील भारतवाशी