लाइब्रेरी
प्रोफाइल
वास्तव
वास्तव
1 min
357
किती केला आटापिटा
बदलत नाहीच वास्तव
शांत होतो ओरडणारा
बसतो गप्प लज्जेस्तव
करतात हांजी हांजीच
सुधारत नाहीत माणसं
डोलती मुक्त वाऱ्यासंगे
जशी रानातली कणसं
परिस्थिती बदलण्यास
आले कित्येक सुधारक
दंगाधोपा अन् मारझोड
संपत नाही हे अराजक
असुनि साक्षर सुशिक्षित
ही माणसं म्हणू की मेंढरं
मनमानी करी वाटेल तशी
झालेय काळ्याचंच पांढरं
संपलीत कितीतरी दशकं
शिकवण देणारेही खपले
माणुसकीचे असे हे मोल
कोणी कधी नाही जपले
भांडण झगडा मारामारी
रोजचेच असती हेवेदावे
उगवत्या नव्या पिढीपुढे
डोळ्यांसमोर हेच दिसावे
