थांबून पाहावं का थोडं ?

थांबून पाहावं का थोडं ?

वाटत माझ्याही मनाला ..

परंतु दूर तर सारू शकत नाही..

अलगद फुलवलेल्या संसाराला..

रोजचीच ती घाईगडबड..

कधीतरी जीवावर येते..

आपल्याच माणसांसाठी आहे ..

मी स्वतःच स्वतःला पटवून देते..

पण काळ सरत चालला आहे..

माझं जगायचं राहून जातंय का ?

खरंच माझ्या नसण्याने ..

सारं काही अडेल का ?

थांबून पहायचं आता थोडं..

आता मी मनाशी ठरवलं आहे..

कितीही कर्तव्यदक्ष असले ..

तरी मलाही आयुष्य जगायचं आहे ..