वैधव्य (अभंग)

काय दोष तिचा । नियतीचा घाव ।

तिला कुठे ठाव  । वैधव्याचा    ।।

पांढ-या पायाची  । तिजला वदती ।

दुस्वास करती   । जन्मभर   ।।

वागणूक पण  ।   न देती समान ।

होउनी अजाण ।  तीजलागी   ।।

किती छळ करी ।  उठता बसता ।

टोमणे मारता   । कष्टी जीणे   ।।

नसे सुख जीवा  । जीवनात कष्ट ।

जणू सारे नष्ट    । जीवनाते    ।।

वैधव्याचे जीणे  ।   नकोसे वाटते ।

हृदय चिरते     ।  विचारांती  ।।

न रहाता कष्टी   ।  आता लढायाचे ।

नाही सहायाचे    । जन्मभर ।। 

काळ बदलला   ।  जगू द्या तिलाही ।

 मागणे न काही   । तिजसाठी ।।