लाइब्रेरी
प्रोफाइल
वादळ
वादळ
1 min
209
कधी विचारांचं मोठं वादळ
घोंघावत माझ्या मनात शिरतं
चक्रीवादळाप्रमाणे ते
सारखं माझ्याभोवती फिरतं
सार्याच विचारांनी डोकावलं
की पुन्हा नवं कोडं पडतं
काही सुचेनासं झालं म्हणजे
वाटतं, असं का घडतं?
चांगले वाईट विचार येतात
मन त्यांच्या मागे पळतं
त्यातूनच एखादा विचार
वळून वळून मला छळतो
वाटतं...
विचारांच्या या गोंधळात
आपलं काही चुकणार तर नाही
सुखाचं स्वप्नं पाहणारी कळी
फुलण्याआधीच सुकणार तर नाही
चूक की बरोबर हे ठरविण्यात
कधी सारी रात्र सरते
तरीदेखील मी वेडी
त्या विचारांचाच विचार करते...
