खेळायाला वेळ कुणी द्या

बालपणीचा खेळ कुणी द्या

बोलायाला वेळ कुणी द्या

झोके घेऊन गात सख्यांशी

खेळायाला वेळ कुणी द्या....

वाटत होते तेव्हा मजला

हे छोटे पण नको

आता वाटते लहान व्हावे

हे मोठेपण नको

पुन्हा खेळण्या लपंडाव तो

संसारातून वेळ कुणी द्या

झोके घेऊन गात सख्यांशी

खेळायाला वेळ कुणी द्या....

कधी रुसणे कधी फुगणे व्हावे

कधी व्हावे धडपडणे

कधी हसणे कधी रडणे व्हावे

आणिक थोडे चिडणे

कधी माझे कधी तुझेच चुकले

भांडायाला वेळ कुणी द्या

झोके घेऊन गात सख्यांशी

खेळायाला वेळ कुणी द्या....

सुकले आहे संघर्षाने

चेहर्‍यावरचे फूल

थकले आहे आज चालूनी

उचलेना पाऊल

वाटते शिरावे कुशीत आई च्या

विसाव्यास त्या वेळ कुणी द्या

झोके घेऊन गात सख्यांशी

खेळायाला वेळ कुणी द्या....