वाढदिवस शुभेच्छा

अक्षयदीप , दिन सोन्याचा

उगवला , तव जीवनात

सोने करावेस , कर्तृत्वाने

तू स्वप्न साकार करण्यास  (१)

शिक्षणाचे पंख , मिळवुनी

घे भरारी , उंच आकाशात

विद्येसव , नीतीमत्तेसही

जाणावे , अमोल आयुष्यात (२) 

स्वप्नांचे पंख , तुज नेतील

उंच अंबरी , विहरण्यास

पाय तुझे , ठेव धरेवरी

गेलास , भरारी मारण्यास (३)

माणुसकीची , जाण असावी

नित्य तव , वर्तणुकीमधे

मदत करावी , नित्यनेमे

दीनांना , संकट काळामधे  (४)

जन्मदिन आज , राजसाचा

मम शुभेच्छा , दीर्घायुष्याच्या

अक्षयदीप कर्तृत्ववान

होवो ह्या , मनीषा मनीषाच्या (५)