उगीच भास होतात

नसतांनाही तू असल्याचे

मनास उगीच भास होतात

तुझे होतात तेव्हा तर ते

वेड्या अधिकच खास होतात.

दिवसा दिवास्वप्नांची गर्दी

काळीज होतसे उगा बेदर्दी

आठवते चोच अर्धी अर्धी

माझी पारध तू पक्का पारधी.

भास जे रूजतात खोलवर

धपापून ऊर होई अनावर

नाही घ्यावें जरी मी मनावर

कुठली पुरती सांग भानावर?

आवर्तने भासांची मला घेरती

आठवणींना ठरलेली मग भरती

सोडून सगळे स्वार भासावरती

तूच कर आता चांदणगणती