कदाचित यामागे काही कारण असेल
कदाचित यामागे काही कारण असेल
नाही समजले काही मला
जे बोलली होती ती काल मला
कदाचित तिच्या बोलण्यामागे
काही कारण असेल….
निराश, शांत, दु:खी, पीडित
बोलत नव्हती ती माझ्यासहित
कदाचित या अबोल्यामागे
काही कारण असेल….
बिलगून उराशी गुपित हे तुझे
न सांगशी मजला मन खातेय माझे
कदाचित यामागे
काही कारण असेल….
बालसखी मी तुझी सखे
आज केलेस तू मला परके
कदाचित यामागे
काही कारण असेल….
तुझ्या भावना न समजण्याइतपत
मी दूर गेले नव्हते, मग
कदाचित तुझ्या न सांगण्या मागे
काही कारण असेल….