वचन!
वचन!
अर्पण केले तुला तनमन
एकनिष्ठ होऊनी दिलेस मला तू वचन
मी कटीबद्ध यामिनी
तू माझा सांगाती!
मागणे एकच आहे आता
पूर्ण कर माझी मनीषा
सौभाग्यं लेणे लेऊ दे मजला
ऐश्वर्याचे जिणे जगू दे मजला
संसारात रमू दे मजला
मातृसुख अनुभवू दे मजला
स्वामित्व तुझे पत्करु दे मजला
देवळातल्या देवत्वाचा साक्षीभाव ठेवूनी
नात्यात वचनबद्ध तू हे जाणते मी
कळते तुला माझ्या उरातली वेदना
अगोचर झाल्या आज भावना
सावरलेस कैकवेळा तू मला
तुझ्या भरभक्कम आधाराची गरज मला
एकांती दिलेल्या वचनांचे स्मरण देते तुला
त्वरित वचनपूर्ती करून पुर्णत्वास
ने नात्यामधली अपूर्णता!