रक्षाबंधन!

आज येते आठवण माहेराची 

सोबत असते जन्मभर भावाची 

बालपण आपले मजेत गेले 

ताणतणाव शब्दकोषात नव्हते

एकमेकांची उणीदुणी काढत होतो 

भांडत होतो पण तुटत नव्हतो 

खोडकर तुझा स्वभाव होता 

बाहुल्यांचे माझ्या डोळे फोडत होतास

अभ्यासात तुला रस नव्हता

झोपा काढण्यात हुशार होतास 

बैठे खेळ तुला आवडत होते 

मैदानी खेळाचे तुला वावडे होते

क्रिम बिस्किटे मोजून खायचास

मला देताना तुझा हात आखडायचा! 

ढोलकी वाजवण्यात तू तरबेज आहेस 

दैवी देणगी तुला लाभली आहे

बहिणींचा तू लाडका आहेस

माहेरची तू आठवण आहेस 

कविता ऐकून धावत येशील 

नात्याचे पावित्र्य राखशील

कुंकुमतिलक करीन कपाळी 

मनगटी बांधीन रेशीम राखी! 

एकमेकांचे रक्षण करू

भावाबहिणीच्या नात्याची वीण घट्ट करू!