दर्पण

सर्वस्व केले तुला अर्पण 

दासी होऊनी केले आत्मसमर्पण 

प्रेम कुंडात दिले भावनांचे तर्पण 

सुरक्षित आश्रयाखाली काढले गर्भारपण

कशास पाहू मी दर्पण ||१ ||

दुष्ट विचारांचा धुरकट आरसा 

त्यातून झळकते मलीन प्रतीमा 

हीन विचारांनी क्षीण होते प्रतिभा

विवरात अडकून पडते कल्पना 

कशास पाहू मी दर्पण ||२ ||

मनाजोगते जगणे ठाऊक मला 

मनाच्या दर्पणात डोकावणे ठाऊक मला 

मायेच्या पदराचा खुणावतो आकर्षक शेला 

माझ्या मनी झुलतो स्वप्नांचा झुला 

कशास पाहू मी दर्पण ||३ ||

दैवी देणगीचा लाभला वारसा

विलक्षण प्रतिभेला मिळे चालना

स्वच्छंद जीवनाची आस मजला

परमात्म्याचे लाभले वरदान मला

कशास पाहू मी दर्पण ||४||