तुझ्यासवे

धुंद अवखळ चांदराती

मनविलास हसतसे सुंदर

धुक्याच्या मऊ अंथरुणातुनी

स्वप्नसखा काहीसा दिसे धुसर

पडता कस्तुरी स्पर्शिका

दवबिंदुच्या सोन सरींवर

उधळी रेशमी क्षणिका

पहाट मोहरुन स्वप्नांवर

स्पर्शिली अलवार वीणा

मनाच्या कोऱ्या कागदावर

आलाप स्वरांचा दिवाना

विसावला जीवन वळणावर

रंग तु़झ्या आठवाचे

रंगले मेंहदीच्या पानावर

क्षण प्रीतीचे सुरंगी

खुलले स्वप्नांच्या झुल्यावर