तुझ्याकडे मन ओढलं गेलं

तो एक क्षण होता 

तुझ्याकडे मन ओढलं गेलं 

साऱ्या दुनियेशी का 

क्षणात नातं तोडलं गेलं ||0||

वाटतं या जगात 

फक्त दोघांचच राज्य असावं 

तूझ्या माझ्या अवती 

भवती दूर दूर कोणी नसावं 

विसरून सारी बंधनं 

तुझ्याशी मन जोडलं गेलं 

साऱ्या दुनियेशी का 

क्षणात नातं तोडलं गेलं ||1||

प्रेमात मन स्वार्थी झालं 

तूच माझ्या श्वासात 

तूच सामावतेस हृदयी 

तूच माझ्या ध्यासात 

मनावरचं इतरांचं 

अधिराज्य खोडलं गेलं 

साऱ्या दुनियेशी का 

क्षणात नातं तोडलं गेलं ||2||

तुला शोधते नजर माझी 

इतर काही दिसत नाही 

सौंदर्यात निसर्गाच्या 

मन माझे तुलाच पाही 

फुलपाखरू मनाचं 

प्रेमविश्वात सोडलं गेलं 

साऱ्या दुनियेशी का 

क्षणात नातं तोडलं गेलं ||3||