परतून पाहताना
परतून पाहताना
जगता जगता कळालेच नाही
काय मी सोडून आले,
चालताना पुढे पुढेच मी
कितीतरी पाश हे तोडून आले!
हर क्षणी आताशा खंत ही करतेच आहे
वाटतेय जणू जीवनाचा अंत मी करतेच आहे.
काय गवसले , काय कमवले
काय मिळाले अन काय गमवले?
या क्षणे कळेना मला का आजच
हिशोब आयुष्याचा हा मी मांडते आहे
मूकतेने सोसल्या सार्या व्यथा आजवर
हरवलेल्या सुखासाठी जीवनाशी भांडते आहे
कुणीच नको आहे आता मजला
वाटते आहे, शेवटचा जुगारच हा सजला!