तुझं अस्तित्व
तुझं अस्तित्व
तुझं अस्तित्व वेगळं अन
माझं अस्तित्व वेगळं!
कसल्याशा रेशीमगाठीने
बांधलेले जन्मासाठीपण आपण!
कसली सरमिसळ रे संसाराची?
मिसळून गेलोय दोघेजण!
गुणदोषांसकट स्वीकृत ,
सवयच झालेली एकमेकांची!
सहजीवन , संसार किती गोड भावना!
आज तू शरीराने जग सोडलंस
पण मनाने कसा जाशील संसारातून?
इथेच तर उरलायस कितीसा. . . !
झालेली सरमिसळ सोपी नव्हती,
माझ्यातल्या काही अस्तित्वाच्या खुणा
तू नेल्यात कदाचित सोबत पण
माझ्यात उरलय की तुझं अस्तित्व,
मी बनून जगत असलेलं. . .
असं नाही जाता येत सहचराला
पूर्णतः स्वतःला सावरून!
अस्तित्वाच्या खुणा अन् अंश
राहतोच रे जोडीदारामधे!