बस्स झाला तुमचा तमाशा
बस्स झाला तुमचा तमाशा
असे कसे रे ढोंगी झाँसाराम निपजले
जणू बेशरम, गाजर गवत माजले
तो राजहंस एक देशोधडीला
ते मङयावरचे लोणी खाणारे
महागाई, बेकारी भ्रष्टाचार, कोरोना
थय- थय नाचतोय छाताडावर
अन्नदाता, बेरोजगार सारे रस्त्यावर
मायबाप सरकार मश्गुल सत्तासंघर्षांत
काम - धाम नाही, अंगभर कपडा ना
डोईवर छत, जगतो जनावरागत
लोकशाहीचा राजा सदैव भिक्षांदेही
पढाई दवाई शिक्षा, जल जमीन कि लढाई
आरे जनाची नसेल कदाचित
मनाची तरी थोडी धरा आता
बस्स झाला तुमचा तमाशा
पेकाटात पडेल लाथ ध्यानी ठेवा