तुझ्या विचारात
तुझ्या विचारात
तुझी पहिली झलकच लयभारी
तेव्हाच वसली तू माझ्या हृदयात,
काय करू समजेनासे झाले
राणी मला तुझ्या विचारात.
सगळीकडे दिसते तू आणि तूच
एव्हढेच काय तर तूच माझ्या स्वप्नात,
माझी रात्रीची झोपही उडाली
राणी फक्त तुझ्या विचारात.
तुझा मधुर आवाज ऐकताच
आनंद होतो माझ्या मनात,
अन् तोही दिवस जातो माझा
राणी फक्त तुझ्या विचारात.
विरह तुझ्या - माझ्यातला
रोज नेतोय मला दुःखात,
खरंच राणी वाटतंय मला
मी पडलोय तुझ्या प्रेमात.