तुझ्या सोबतीने

किती पावसाळे,उन्हाळे,हिवाळे

गाठले जरी मी,तुझ्या सोबतीने

प्रवास मजला हा,नवा वाटतो...

चालले कितीही जरी,तुझ्या सोबतीने.......||धृ||

नयणांस माझ्या तुझे रूप हे

मोहून गेले तुझ्या पाहण्याच्या

सुखावे सदा तुझ्या येण्याची चाहूल..  

आनंद झाला मला,तुझ्या येण्याने..

कळेना मला का नाराज मन हे

तुझ्या अशा थोड्या दूर जाण्याने......||१||

वाटेत आली किती संकटेही

भय ना कसलेही तुझ्या असण्याने

वाटेवरील काटे जणू फुले ती

सोसिले तयांना खंबीर पायाने

थकलो जरी मी हा भार सोसताना

आधार दिला मजला तुझ्या शब्दाने......||२||

तुझ्या बोलण्यातील मकरंद हा

चाखिला आहे माझ्या ह्रदयाने

खुणावून नजरेने इशारा तू केला

घायाळ झालो तुझ्या नजरेने..

शब्द काही आता सुचेनात मजला

निशब्द केले तुझ्या प्रेमाने...||३||

माझ्या दुःखाना कवटाळून तू

सुखं संसारात तू मजला दिले

सावलीपरी माझ्या सोबतीला तू

जीवनास नवे माझ्या आयाम दिले

प्रवास तुझाही आहे खडतर

लढते आहेस तू खूप संयमाने...||४||