अवकाळी

*भरलेले रांजण करून रिकामे घरचे*

*भेटीला धरतीच्या येतोस अवेळी.....*

*असं कसं तुला कळत नाही मित्रा*

*बेभान बरसतोस असा अवकाळी ||धृ||*

 

*ठरली आहे ना वेळ तुझी....*

*कधी यायचं आणि कधी जायचं*

*आसुसलेल्या धरतीला या..*

*ओलचिंब न्हाऊ घालायचं...*

*मग कसा आलास तू....*

*अचानक यावेळी......* *||१||*

*तुझें माझे नाते दोस्ता......*

*आहे किती घनिष्ट......*

*नाही आलास बोलावून तुला*

*तर जातात वाया माझे कष्ट*

*वाट पाहत असते तुझी...*

*जनता ही भोळी....* *||२||*

*असा कसा वागतोस*  

 *आजकाल*

*तू कळतं नाही आम्हाला....*

*किती विनवणी करायची तुझी*

*ये बोलावलं तेव्हाच तुला*

*माराही करतोस गारांचा..*

*भांबावली जनता सगळी* *||३||*

*वादळ वारा घेऊन संगे...*

*पिकांना लोळवतोस....*

*झोपडीवरील छत माझे*

*चोरून संगे नेतोस...*

*तू मारलेल्या गारांनी*

*बघ पिकं झाली लुळी* *||४||*

*यावेळी सुद्धा मित्रा मी*

*पेरले होते स्वप्न.......*

*काही दिवसांवर येऊन ठेपलेले*

*माझ्या लाडक्या लेकीचे लग्न*

*कर्ज जाईल वाढत माझं*

*अनं लाचारीचं जगणं भाळी* *||५||*

*तुला खुश ठेवण्यासाठी*

**सांग कोणतं नवस फेडू*

*इवल्या या पोटासाठी..*

*आणखी किती लढू...*

*हृदयातून विनंती तुला*

*तू भेट फक्त मान्सूनवेळी* *||६||*