व्रतवैकल्ये

श्रावण सणांचा राजा

येतो घेऊन सुखाला

आया बाया पुजती

नित्य गौरी शंकराला

मांदियाळी मंदिरात

भक्तांची सोमवारी

नववधू त्या करती

व्रत नाव मंगळागौरी

आली आली नागपंचमी

सन आला नागदेवाचा...

नागराजा मित्र सदा...

साऱ्या शेतकऱ्यांचा...

येते नारळी पौर्णिमेला 

भावा बहिणींचा सण

बहीण ओवाळे भावाला

जाते मन भारावून

कोळी समुद्रा पुजती

साथ देशील सागरा

परतु दे सुखरूप..

आम्हा आमच्या घरा

सोमवार शुक्रवार अनं

पौर्णिमा अमावस्या...

मांगल्य लाभते घराला

साऱ्या मिटती समस्या

गौरी गणपती सत्यनारायण

वैद्य नवमीला पारायण...

पोळा पिठोरी अमावस्या

माझ्या मांगल्याचे क्षण...