लाइब्रेरी
प्रोफाइल
ठरवले मनात काही
ठरवले मनात काही
1 min
236
ठरवले मनात काही
दैव भलतेच प्रवाही
बांधले जे आडाखे मी
तसे मात्र घडलेच नाही.
मी योजावे अक्षर काही
नियतीने खोडावे लवलाही
नाट्य कोणते प्रवेश कुठला
पुढल्या अंकाची खबर नाही.
स्वप्न पाहणे चुकत नाही
भले आयुष्य करो काही
जग धावते स्वप्नासाठीच
घडणे बिघडणे "तो" पाही.
मनाचा वारू थांबत नाही
द्या मनाला पक्की ग्वाही
असेल दैवात जरी काहीबाही
मी ठरवायचे थांबणार नाही.
