तस्मै श्री गुरवे नमः

गुरु असे महाज्ञानी

वाखाणावे चातुर्याला

सदगुणांचीच खाण

वंदनीय जगताला    (१)

पूर्वसंचिताने गुरु

शिष्याप्रती लाभतसे

ज्ञानदान परिपूर्ण 

पारखूनी करीतसे    (२)

विद्यावाचस्पती गुरु

शिस्तप्रिय पित्यापरी

घडवित हि-यासम

माया त्याची परोपरी    (३)

आत्मविश्वासाचे बळ

गुरु शिष्याप्रती देई

अंगी विनय बाणवे

उपदेशामृत देई      (४)

थोर गुरुमहिमाचि

काय शब्दांत वर्णावा !!

कृपा , वरदान लाभे

 भाग्यवान तो जाणावा  (५)

लाभो दीर्घायुष्यासह

सदा सुख समाधान

कला नित्य बहरावी

सरस्वती वरदान    (६)