तर हे घरकुल झाले असते सुंदर

जर का असता माझ्या करात तुझा कर

तर हे घरकुल झाले असते सुंदर

सोनुली गोडुली आपली बाहुली

तुझीच दुसरी प्रतिमा सुंदर

तर हे घरकुल झाले असते सुंदर

पण तुजला नाही नांंदावयाचे

सोडून घरकुलं हे तुला जावयाचे

मागितलास काडीमोड

दिला तुजसी तो ठेवून

छातीवर दगड

तुझ्यापायी एक विनंती सादर

तर हे घरकुल झाले असते सुंदर

आजवरी तुझे सारे हट्ट

पूरवित मी आलो

त्यातीलच हा एक

असे मी समजलो

आता दिली सारी मोकळीक तुला

मागणे एक नको नेऊ सोनुलीला

त्यासाठी पसरतो तुझं पुढे पदर

तर हे घरकुल झाले असते सुंदर

तुझ्यासाठी उघडी सदैव

माझ्या घराची कवाडे

परतून येण्यासाठी

नको धरू मनी कोडे

एक पाखरू घायाळ

वाट पाहते तुझी वेडे

परंतु तुला आहे

माझ्या प्रेमाचे वावडे

येशील जर परतोनी

देईन तुजला तोच आदर

तर हे घरकुल होईल सुंदर