लाइब्रेरी
प्रोफाइल
थोडं मनात राहिलेलं
थोडं मनात राहिलेलं
1 min
99
पाऊस
केव्हाचा पडून गेलाय
अन् आभाळही
आता लख्ख झालेलं दिसतंय
मोहरली असशील ना तू?
आ हा!
नवा साजही लेवून घेतलेला दिसतोय।
कदाचित
तृप्तीची अनुभूती घेत असशील
कदाचित
सामावून घेण्याची क्षमताही संपली असेल
कदाचित
त्याची आवश्यकताही नसेल
पण तरीही,
धरली ओंजळ तू सोडू नको
बघ ना!
अजूनही काही झिरपते आहे
थोडं मनात राहिलेलं।
