सुट्टीतील मजा

सुट्टीतील मजा

लागली उन्हाळी सुट्टी

जमली मित्रांची गट्टी

चोर पोलीस खेळू चला

करून कागदाची चिट्ठी

ना अभ्यास ना गृहपाठ

नाही कोणती ही सजा

खूप खेळू उड्या मारू

घेऊ चला सुट्टीतील मजा

राम्या गण्या सच्या चला

निघा घराबाहेर आत्ता

सुट्टी आपली सुरू झाली

खेळू अलबत्ता खलबत्ता

सकाळी सकाळी चला

मिळून क्रिकेट खेळू

चौकार षटकार मारू

मैदानावर खूप खूप पळू

संपला क्रिकेटचा सामना

सूर्य आला बघ डोक्यावर

दुपारची वेळ झाली आहे

उड्या मारू या पाण्यावर

पाण्यात डुबकी मारताना

एकमेकांवर उडवू पाणी 

पाण्यात खेळ खेळताना

मजेशीर गाऊ या गाणी

- नासा येवतीकर, धर्माबाद

9423625769