शाळा

शाळा आमची खूपच छान

दिसणार नाही कुठेच घाण

परिसर स्वच्छ असे शाळेचा

बंधन पाळतो आम्ही वेळेचा

शाळेच्या आरंभी परिपाठ

प्रार्थना म्हणतो तोंडपाठ

बरोबर दहाच्या ठोक्याला

सुरुवात होते अभ्यासाला 

गुरुजी आमचे खूपच हुशार

देत नाहीत आम्हाला मार

गुरुजी शिकवती विसरून भान 

अभ्यासात आम्ही रममान

वेळ होता एक वाजताची

आठवण झाली जेवणाची

साबणाने धुतले स्वच्छ हात

ताटात घेतला वरणभात

दुपारच्या वेळी विविध खेळ

कळेना कधी संपला वेळ

चार वाजता वाजते घंटा

आम्ही करतो बाय-बाय टाटा