सुरक्षा

सुरक्षा

खरंच आई करशील

का ग माझी सुरक्षा?

तरच आण मला जगात ||धृ||

मुलगी नको म्हणून

करतायत भ्रूणहत्या

पण येऊनही जगात

करतायत अब्रूची हत्या ||१||

आहे का ग मान

या जगात मला

अब्रूची सुरक्षा

देशील का ग मला?||२||

म्हणतात मुलगी आहे

वंशाची माझ्या पणती

पण तीच झाली मोठी

की जीवाला घोर किती||३||

नकोत ग मला त्या

साऱ्या वखवखलेल्या नजरा

देहावरून फिरत फिरत

हातात देतात गजरा||४||

खरच ग आई

त्यापेक्षा एकच कर

मला आपलं तुझ्या

उदरातच दे मरण||५||