लाइब्रेरी
प्रोफाइल
सुख - दुःख
सुख - दुःख
1 min
275
सुख पाहे जवापाडे
दुःख पर्वताएवढे
चव सुखाची कळता
दुःख अचानक पुढे
सुखापायी हुरळतो
घेतो जीवन आनंद
नसे कुणाचीही पर्वा
आपुल्याच नादे दंग
सर्व सुखाचे साथी
दुःख येताच सोडती
येते खरे समजूनी
मग पारख जाणती
खरे उमजती बंध
दुःखाच्याच छायेमधी
हात हातात गुंफुनी
धरी छत्र डोक्यावरी
देवा सावली तुझीच
लाभो सुखदुःखामधी
सुख दुःख सम मानी
तोच यशस्वी जीवनी
