स्त्रीभ्रूण हत्या

स्त्रीभ्रूण गर्भात आहे पुण्याईची पावती

नका संपवु हो तिला माउली दोन्हीघरची

ती असली की घर दुडू दुडू धावतय

ती नसली की घर खायला उठतय

वर्दळीने तिच्या वाहतो मंदझरा

नका खुडू कळी चिमुकल्या सोनपाखरा

मुलगी नसेल तर सुन कोठुन आनणार

नवजीवनाचा सोहळा साजरा कसा करणार

वंशाचा दिवा असतो मुलगा समज आहे खोटा

कुठे कमी पड़ते मुलगी समजावून मला सांगा

दोन चाकाचं रहाटगाडग एका चाकाने कसे चालणार

समजा मुलीला गर्भातच जर तुम्ही संपवनार

आई ती माई ती प्रेयसी ती बहिण ती

अर्धांगनी ती, मान ती सन्मान ती

तिच्याशिवाय घरपन नाही हो घराला

कशाला करता हत्या मग चिमणीच्या घरट्याला

मुलगी ही कुटुंबाचे आनंदाचे उगमस्थान

ज्या घरी आहे मुलगी ते आहे तीर्थस्थान

ती नाजुक अल्हड सोशिक प्रेमळ वात्सल्याची करुणामयी मूर्ति

गर्भातच नका हो ठार मारू विनंती करतो तुमची

जितकी अवहेलना कराल तेवढीच नाळ तिची मजबुत होते

पुरुषार्थी अभिमानाला सुरुंग ती लावतेय

कुटुंबाची धुरा सांभाळते समर्थ खांद्यावर

गाजवुन सर्वक्षेत्र साठवुन वेदना उरावर

संसाराचा पसारा रणगाडा चालवते

समर्थ शिक्षित स्त्री देशाची बदलते