विधवा नारी

तू देशाकरिता दिलेस बलिदान 

तव आईची कूस उजाडली 

चिमण्या पाखरांची जबाबदारी 

बघ आता विधवेवर आली//

अभिमान आहे मजसी 

देशकारणी देह तव वेची ला 

नको घुटमळुस येथे 

देईन भक्कम आधार घराला//

तू अससी आठवरूपाने

निरंतर मज जवळी 

फोटो समोर राहून बोलते 

निवांत रात्रीच्या वेळी // 

माय पित्याची काळजी घेईन 

सेवा दोघांची करीन 

मुलांना करुनी मोठे 

देश सेवेसी योग्य बनवीन//

मी राहीन खंबीर उभी 

खचणार नाही आता 

सर्व सांभाळून करीन 

मीही काही देशाकरिता//