अशी रूप देवीचे

कशाला जाऊ मी मंदिरी 

मूर्त रूप हे माझ्या घरी//

देवीच्या नाना रूपात नित्य 

 माझी आई मज दिसते हे सत्य//

संसारास लावी हातभार 

लक्ष्मी रूपात नांदते घरभर //

अभ्यास घेता भासे सरस्वती 

करुन घेई अभ्यास पूर्ती//

मज वाटे कधी ती दुर्गामाता 

शासन करते चुकत असता//

नेहमीच असते अन्नपूर्णा 

जेऊ घाली घरास पदार्थ नाना//

संध्याकाळी ती होई शांता 

देवाजवळी दिवा लावता//

माय माझी ती धरणी माता 

विसावते तिच्या मांडीवर आता//