स्त्री शक्ती !!
स्त्री शक्ती !!
बहु रूपात वावरताही
भाव नसतो कधी सक्तीचा !
अभिमान म्हणूनच नेहमी
वाटतो मला स्त्री शक्तीचा !!
वेगवेगळ्या या नात्यांमध्ये
तू एकरूपतेने सामावतेस !
दुधामध्ये अलगद जशी तू
साखर बनून विरघळतेस !!
हव्यास ही नसतो तुला
दुधावरच्या त्या सायीचा !
अभिमान म्हणूनच नेहमी
वाटतो मला स्त्री शक्तीचा !!
तू म्हणजे खरे तर
गोड स्वप्न विधात्याचं !
थोडं जास्तच ओतल त्याने
गहिरेपण तुझ्यात नात्याच !
जपणुक नात्यांची नेहमीच
खेळ असतो तुझ्या युक्तीचा !
अभिमान म्हणूनच नेहमी
वाटतो मला स्त्री शक्तीचा !!
वेदनांनाही लाज वाटावी
अशी तुझी सहनशिलता !
कार्यपुर्तीस नेण्याकरिता
असते तुझी गहन दृढ़ता !!
हिणवले जरी अबला म्हणुनी
पाझर आटत नाही भक्तीचा !
अभिमान म्हणूनच नेहमी
वाटतो मला स्त्री शक्तीचा !!