चैतन्यारती !!

फुलाफुलांच्या गंधित माळा, चैतन्य सजले!

कैवल्याचे प्रवासी सारे , आरतीला जमले !!

शुभ्र तेज ते मुखकमलाचे, भवताली पसरे !

रोमांचित मी उभा सामोरी, भवदुःख विसरे !!

रामनामी गजर गंभीर , सारे जण रमले !

कैवल्याचे प्रवासी सारे , आरतीला जमले !!

नामरूपी तो सापडला मज, चैतन्य माझा !

रामनामात गवसला तो, गोंदावलेचा राजा !!

चैतन्याचे गुणगाण गाण्या, सारे सरसावले !

कैवल्याचे प्रवासी सारे , आरतीला जमले !!

काकड्याचा निनाद करी हा आसमंत सारा !!

रम्य अश्या पहाट समयी , झाला चैतन्य जागा!

लोणी साखर प्रसाद घेवुनी जन हे सुखावले !

कैवल्याचे प्रवासी सारे , आरतीला जमले !!