Library
बंध
बंध
1 min
218
विझले कसे कोणा ना कळले !
भाव डोळ्यातल्या दृष्टीतले !!
ओळखीचे झाले अनोळखी!
हे नाते मनातल्या मनातले !!
आजही छळतात मला !
ओळखीच्या पाऊलखुणा !!
जखडलेल्या या पावलांना !
चालण्याचे बळ का, देवू पुन्हा !!
गेले कधी, कोणा न कळले !
त्राण सोबत्याच्या पायातले !
ओळखीचे झाले अनोळखी!
हे नाते मनातल्या मनातले !!
जाणवते आजही मला ती !
धडधड तुझ्या काळजातली !!
दिसते आजही मला ती !
अव्यक्त थरथर आवाजातली !!
संपले कधी, कोणा न कळले !
शब्द माझ्यातल्या तूझ्यातले !
ओळखीचे झाले अनोळखी!
हे नाते मनातल्या मनातले !!
मैत्रीच्या प्रांगणात आपल्या !
दूर ठेविल्या सगळ्या बाधा !!
जगलो आत्मिक प्रेम आगळे !
जणू कृष्ण मी अन् तू राधा !!
तुटले कधी, कोणा न कळले !
बंध राधेतल्या कृष्णातले !
ओळखीचे झाले अनोळखी!
हे नाते मनातल्या मनातले !!
