मैत्री
मैत्री
1 min
181
वेदनांना माझ्या जशी,
तुझ्या अश्रूंची खात्री !
डोळ्यात दिसते मला,
तुझ्या माझ्यातली मैत्री !!
सुखाच्या मार्गावरती,
तूच माझी आनंदयात्री !
सोबतीत दिसते मला,
तुझ्या माझ्यातली मैत्री !!
तूच उजळल्यास माझ्या,
अंधारलेल्या किर्र रात्री!
प्रकाशात दिसते मला,
तुझ्या माझ्यातली मैत्री !!
संवादाची गरजच नाही,
भावना ओथंबती गात्री !
मौनातच दिसते मला,
तुझ्या माझ्यातली मैत्री !!