स्त्री पुरुष समानता नावापुरती
स्त्री पुरुष समानता नावापुरती
स्त्री पुरुष समानता हक्क फक्त नावापुरताच दिला
कमावते घरासाठी स्त्रीही पण खर्चण्याचा हक्क फक्त पुरुषाला दिला
घर सांभाळते सर्व बघते तरिही तिची अवहेलनाच होते
तू काय करते हेच तिला नेहमी विचारले जाते
आई बहिण बायको कोणत्याही रुपात ती असो
तिच्यावर हक्क गाजवण्याचा अधिकार पुरुषांकडे का असतो
समाजात तिनेही नाव कमवले हे का विसरुन जाता
तिच्याच तर उदरातून तुम्ही जन्म घेता
पुरुषत्वाचा माज का स्त्रीयांवर दाखवता
स्त्रियांच जग फक्त घरापर्यंत आहे हेच नेहमी का भासवता
आजची स्त्री स्वतंत्र असुन स्वतंत्र ती नाही
का मनमोकळे जगणे तिला जमनार नाही
डोक्यावर पदर, हातात बांगड्या नजरेचीही सीमा
काही स्त्रिया चंद्रावर गेल्या तरी काहींवर बंधनाच्या सीमा
स्त्री पुरुष समानतेचा काही ठिकाणी खुप उत्तम उदाहरण आहे
काही ठिकाणी स्त्री म्हणजे फक्त चूल आणि मूल पुरतेच आहे
प्रत्येक क्षेत्रात स्त्रिया उत्तम कार्यरत आहेत
पुरुषांबरोबर त्याही कार्य चोख बजावत आहेत
स्त्री पुरुष समानता खूप ठिकाणी आहे
परंतु काही ठिकाणी फ़क्त पुरुषांचीच सत्ता आहे
स्त्री पुरुष समानतेला सलाम मी करिते
काही चुकले असेल तर माफी मागते