स्त्री कालची नि आजची

(अष्टाक्षरी काव्य)

नारी कालची, आजची

जरी नसली समान|

दोन्ही काळात भुमिका

निभावत गेली छान||१||

होता कालच्या नारीला

शिक्षणास प्रतिबंध|

केला शिकून स्वत:च

अन्य स्त्रियांचा प्रबंध||२||

अत्याचार अन्यायाच्या

विरोधात ती लढली|

नारी आज तिच्यामुळे

उंच शिखरे चढली||३||

असताना परिस्थिती 

दोघींनीही प्रतिकूल|

कुटुंबाला शिकवून

सावरलं घरकुल||४||

दोघांनीही आपापले

सांभाळून घरदार|

मिरवले दिमाखात

झेंडे ते अटकेपार||५||