संस्कृती नि जीवनशैली...

भारतीय संस्कृतीप्रमाणे मांडी घालून 

प्रेमळ सहभोजन असायचे दररोजचे 

आता भोजन टेबलावर तांत्रिक घास 

अनारोग्य हातात संगती मोबाईलचे 

आधी देवापुढे नित्यनियमाने व्हायचे 

सगळेच लहान नि मोठे नतमस्तक 

कुठे, कधी आभासी जीवनशैलीसाठी 

आधुनिक पिढी होतेय कुटुंब भक्षक 

म्हणायचे विवाह हा आयुष्यातला 

सर्वात सुंदर पर्व जीवन संस्कारांचा 

Advertisement

पण आज हव्यासासाठी खेळ चाले 

तरुणांचा एकमेकां शारीरिक भंगाचा 

आयुर्वेदात म्हणे सकाळची शुद्ध हवा 

आरोग्यासाठी एकमेव अनमोल औषध 

घरोघरी उशिरा उठण्यातच मिळतो 

बघायला जीवन जगण्याचा नवा शोध 

एकत्रित सुखी कुटुंबाच्या वारशाची 

झाली आहे एकलकोंडी अवस्था 

भंगलेल्या फक्त फॅशनेबल राहण्यात 

मुळीच उरली नाही प्रेमाची आस्था