STORYMIRROR

Manisha Awekar

Abstract

3  

Manisha Awekar

Abstract

सल

सल

1 min
258

सांग सजणे कुठला

सल मनात सलतो

झरझर अश्रूधारा

सवे गाली ओघळतो


सल दुःखे प्रयासाने

अंतरात का दाबसी?

उफाळून येते कधी

कळ वेगाने मानसी


कधीतरी जवळीक

करुनिया तू सांगावे

मनातले मळभाचे

नभ मोकळे करावे


सोशिकता धर्म असे

जरी नारीचा तरीही

किती सोसावे तयाला

कसे बंधनचि नाही?


आता पुरे हे साहणे

खांद्यावरी टेक माथा

प्रेमी विश्वासूस सांग

तुझ्या मनातल्या व्यथा


जेव्हा होईल निचरा

सल दुःखाचा मनीच्या

भासे हलके फुलके

खगापरी अंबरीच्या


साहित्याला गुण द्या
लॉग इन

Similar marathi poem from Abstract