लाइब्रेरी
प्रोफाइल
शून्य
शून्य
1 min
378
शून्यातूनही पहाट झाली
सहस्त्रकराच्या लालीने
शून्याचे अस्तित्व उमटले
अनंत कोटींच्या साक्षीने
जवाएवढे बीज सूक्ष्म हे
मिळता धरणी मातेस
विशालकाय वटवृक्ष बहरती
शून्याच्या या गोलात
शून्यातून हा आत्मा जन्मला
ब्रह्माण्ड बसले शुन्यात
शून्यातूनही पिंड बहरला
पिंड (पंच महाभूत) विलीनही शुन्यात
शून्याचा हा अव्यक्त पसारा
अव्यक्तातून व्यक्ततात
शून्याची ही पोकळ लीला
परिमाण नसे अनंतात
