लाइब्रेरी
प्रोफाइल
शोधू कुठे मी
शोधू कुठे मी
1 min
137
शोधू कुठे मी सांगाल का
मिळते कुठे ते हरवलेले हासू
वेदनेला सोसण्याची शक्ती आणि
लपवता येतील का ते आसू
शोधू कुठे मी...
शोधू कुठे मी सांगाल का
बालपणाचे रूसवे फुगवे
निर्मळ मनाची घट्ट मिठी अन
मातीत बरबटलेले पाय नागवे
शोधू कुठे मी...
शोधू कुठे मी सांगाल का
सुर पारंब्या अन विटीदांडू
ऊनातान्हात वेचलेल्या शेंगा
अन गदगगयाचा डाव मांडू
शोधू कुठे मी
शोधू कुठे मी सांगाल का
आजीच्या बटव्यातील दहा पैसे
वान्याच्या दुकानातील घोळका अन
मुठभर लेमन गोळ्यासाठी आ वासे
