शिवराज्य

हिंदवी स्वराज्य स्थापले राजे शिवरायांनी

स्वातंत्र्याचे सुखस्वप्न ते दिले शिवरायांनी

महाराष्ट्राची अस्मिता जागविली स्वाभिमानी

जमविले सवंगडी निष्ठावंत नि इमानी

कडवे, कणखर मर्द मावळे एक छत्र झाले

गड किल्ले उभारून सुरक्षित शिवसत्र झाले

धूर्त गनिमी काव्याने दुश्मनास जेरीस आणले

साकारावे माँ जिजाऊंचे स्वातंत्र्य परिस जाणले

लोककल्याणकारी राजा रयतेचा शिवशाहीने

धर्म अबाधित राखला अब्रू शाबूत शिवाज्ञेने

या देशात पुन्हा जाहला नाही राजा असा समर्थ

रक्षावे प्राणपणाने ज्याने दिला जगण्यास अर्थ