शहिदांचे स्मरण

15 ऑगस्ट 1947 चा 

तो सोनियाचा क्षण 

पारतंत्र्यातून मिळाला

आम्हाला स्वातंत्र्य दिन

जुलमी इंग्रजांच्या विरोधात 

लढले टिळक गांधी नेहरू

तेंव्हा कुठे लाभले स्वातंत्र्य

दिवस आम्ही कसे विसरू

जनता होती अडाणी दरिद्री

तिला कळत नव्हते काही

जनजागृती व्हावी म्हणून

जनतेची चळवळ उभी केली 

भगतसिंग,राजगुरू व सुखदेव

शहीद झाले या देशासाठी

बाबू गेनू ही शहीद झाला

स्वदेशी वस्तू वापरासाठी

आम्हाला असे ज्ञान 

या स्वातंत्र्य दिनाची

आम्हांला आहे जाण

या क्रांतीकारकांची

डोळ्यात तेल घालूनी सैनिक

करतो भारत देशाचे रक्षण

त्यांच्या अहोरात्र जगण्याने

भारतीयांना मिळते संरक्षण

जवानांवर होतो कधी हल्ला

त्यात गमावितो आपले प्राण

त्या शहीद जवानांचे शरीर

तिरंग्यात आणले जाते लपेटून

शहिदांचे करून स्मरण

करूया मनोमनी वंदन

जाणीव ठेवू या आपण

व्यर्थ न हो त्यांचे बलिदान

भारतमाता की जयजयकार

करताना स्फुर्ती मिळेल

तिरंगा फडकताना पाहून

गर्वाने मान ही डुलेल