शब्द
शब्द
शब्द अस्तित्वात असले तरी
योग्य वेळी जातात रूसून |
पाहिजे तेव्हा ओठांवर येत
नाहीत जातात हसू पुसून | |१
शब्द असतात लाघवी अगदी
काळजात घर करणारे |
शब्द असतात पाशवीसुद्धा
हृदयाला छेद पाडणारे | |२| |
शब्दांचेच धन या जगी मिळवून
देते शब्दप्रभूंना मानसन्मान |
शब्दच होतात कवडीमोल लावती
घालायला चारचौघात खाली मान | |३| |
शब्द असतात भावनाशील
हळूहळू घाव भरणारे |
शब्द असतात कठोर वज्र
एकदम घाव करणारे | |४| |